Хүүхдийн бүрэг занг засахад анхаарах зүйлүүд

Бүрэг хүүхдийг өөртөө итгэлтэй сэргэлэн цовоо зантай болгохын тулд эцэг эх, ойр дотны хүмүүсийх нь өдөр дутмын харилцаа хандлага чухал үүрэгтэй. Түүний бүрэг зангий нь тодотгон үглэж өдөр дутам энэ талаар сануулах хэрэггүй. Ингэснээрээ та “Би бүрэг хүн “ гэсэн ойлголтыг хүүхдэд өгч лавшруулах болно.

            Харин хүүхдэд туслах ердийн аргуудыг хэрэглээд үзэхийг танд санал болгож байна.

1.    Аль болох олон хүүхэдтэй газар байх боломжийг хүүхдэдээ олгоод үз

2.    Гэртээ байдаг хүүхдийг бол цэцэрлэгт явуулах нь маш үр дүнтэй арга юм

3.    Түүнийг анхааран сонсох, дэмжих , өөртөө итгэх итгэлийг нь сайжруулах

4.    Хүүхдийн хамгийн сайн чаддаг , авъяастай зүйлийг нь таньж түүнийг нь нөхдөд нь сурталчилах, харуулах зэргээр өөрөөрөө бахархах сэтгэл төрүүлэх

5.    Хүүхдүүдийг хос хосоор нь тоглуулах буюу хичээллүүлэхдээ бүрэг хүүхэдтэй хослох хүүхдүүдийг солин өөр өөр хүүхэдтэй  танилжах, найзлах, хамтран ажиллах нөхцөлийг бүрдүүлнэ.